Davao City – Misaka sa rank 11 ang Davao City sa nagpadayong Philippine National Games sa Cebu City.
Base kini sa pinakaulahing update sa Philippine Sports Commission kun PSC sa maong paugnat sa kusog.
Sa partial and official medal tally sa Philippine National Games, nakasakmit na ang mga atleta gikan sa Davao City og upat ka gold medals, unom ka silver samtang dose ang bronze medals diin sa kinatibuk-an aduna na silay 22 ka mga medalya.
Subay sa maong resulta, sa kasamtangan nanguna ang Cebu City, gisundan sa Gensan nga anaa sa rank 2 ug rank 3 gihapon ang Baguio City.
Sa kapin 40 ka mga lugar nga misalmot niini, duha ang gikan sa Davao Region nga mao ang Davao ug Tagum City din ang Tagum karon anaa na sa ika-43 nga pwesto nga adunay 1 silver ug 1 bronze.
Gisugdan ang maong paugnat sa kusog niadtong adlawng Sabado, Mayo 19 ug mahuman karong adlawng Biyernes, Mayo 25, 2018.
RadyoMaN Renz Barbarona
