Davao City – Nanawagan karon ang mga negosyante denhe sa Davao City ngadto sa duha ka mga dagkung telecommunication companies kun telcos sa nasud nga improbahon ang ilang serbisyo ilabi na karong panahona sa pandemic.
Sumala ni John Tria, Davao City Chamber of Commerce & Industry Inc.,(DCCCII) President, daghan na sila’g nadawat nga reklamo gikan sa mga negosyante ug ubang sektor tungod sa dili maayong serbisyo sa internet, ilabi na karong panahona nga daghang mga negosyante naggamit sa social media ug ang mga trabahante anaa sa ‘work-from-home’ mode.
Matud ni Tria, aduna na silay gihimong lakang kabahin niini ug ila nang gipadangat sa hingtungdang ahensya ang maong mga concerns pinaagi sa gimugna nga task force aron kini resolbahon.
RadyoMaN Bernard Pantallon
