Temporaryo nga sarad-an ang dalan sa bahin sang Sitio Otso, Barangay Saravia, Koronadal City partikular na sa atubang sang Saravia Elementary School umpisa alas 8:00 sang aga tubtob alas 5 sang hapon subong nga adlaw. Suno kay Engineer Ernesto Gundino, Project Engineer sang South Cotabato District Engineering office sang Department of Public Works and Highways ini tungod sa construction sang pedestrian overpass sa nasambit nga lugar. May-angot sini, tanan nga salakyan nga magaagi sa nasambit nga portion sang national highway ang magareoute via Tampakan – Bo. 6 road and vice versa. Ginkumpirmar ni Engr. Gundino nga nagakantidad sang P18 million ang construction sang overpass nga makabulig suno pa sang daku sa mga residente kag estudyante sa lugar. Nagapangayo naman sang pag-intiendi kag pasensya si Engr. Gundino sa publiko partikular na sa mga motorista nga maapektuhan. Tinguhaan naman suno pa nila nga matapos sang timprano ang construction sang pedestrian overpass.
Facebook Comments
