Magapatigayon sang joint ocular visit ang Provincial Disaster Risk Reduction and Management Office (PDRRMO) South Cotabato , MGB 12, Department of Education kag Provincial Engineering Office sa Sitio Tuburan, Seven Lakes, Abuy Sitio El Dolog sa Barangay Ned ng Lake Sebu tungod sa nakit-an nga tension cracks sa nasambit nga mga lugar.
Suno kay PDRRM Action Officer Mila Rivera natalana sila nga magapatigayon sang ocular visit sa lugar sa March 1 tubtob 2 kag sa Abril naman magapatigayon sila sang geohazard assessment kon makasaka ang ekwipo sang MGB 12.
Nahibaluan nga una na nga gindeklarar sang MGB 12 nga delikado ang Sitio Tuburan tungod sa mga tension cracks rason nga ginrekomendar ang pagrelocate sa 70 ka mga pamilya lakip na ang eskwelahan sa lugar.
Ginhatagan pa punto ni Maam Rivera nga kon wala sang deperensya ang school building indi man buot silingon nga safe na tungod ang lupa man ang may deprensya matapos nga nagpahayag ang engineer sang South Cotabato Division Office nga wala sila sang nakit-an nga problema sa school building sa ginpatigayon nila nga ocular inspection.
