Ginsiguro ni TESDA 12 Regional Director Rafael Abrogar II may-yara sang ihatag nga bulig ang TESDA sa mga nagsurender nga miyembro sang rebelde nga grupo paagi sa pagpaidalom sa mga ini sa training kag iban pa nga TekBok nga programa sang ahensya.
Suno kay Director Abrogar tudluan ang mga anay nga rebelde kon paano magpadamo sang baboy sa ila nga lugar kag subong man sa patag sang agrikultura agud mapadayon sang mga ini ang ila nga buluhaton kag mapabaskog ang ihibalo sa agrikultura.
Magluwas sa training may mga programa ang Poverty Reduction Livelihood and Employment Cluster para sa mga nagsurender nga rebelde sa rehiyon.
Sa subong nagalab-ot na sa 500 nga mga anay rebelde sa rehiyon dose ang natudluan sang TESDA kag plano sini nga himuon man nga trainor ang mga anay rebelde agud makabulig sa ila komunidad.
Ini ang base naman sa ginpaggwa nga Executive Order No. 70 ni presidente Rodrigo Roa Duterte ukon mas kilala sa tawag nga Whole of Nation Approach.
