TESDA-Bukidnon mipahigayon og libreng training ngadto sa pinili nga mga benepisyaryo sa Cabanglasan

Mipahigayon ang Technical Education and Skills Development Authority (TESDA)-Bukidnon og libre nga training ngadto sa 20 ka mga pinili nga mga benepisyaryo gikan sa identified priority barangay nga mao ang Brgy. Mandahican, Cabanglasan, Bukidnon.

Ang maong gitanyag nga training, gipahigayon sa buhatan aron sa pagtuon sa mga benepisyaryo og mga skills nga mamahimo nilang magamit isip ilang panginabuhian, diin nga samtang gakamulo sila nga nag training ang mga benepisyaryo usab mamahimong makadawat og training support fund nga mukantidad sa 1,280 ka pesos ug laing usa ka libo ka pesos alang sa internert ug PPE allowance nga ilang gamiton alang sa ilang walo ka adlaw nga skills training.

Hisayran nga ang duha ka mga Barangay sa lungsod sa Cabanglasan, usa sa mga lugar nga gikonsiderang Geographically Isolated and Disadvantaged Areas (GIDA) kung asa ang mga residente niini naapektuhan usab sa hulga sa insurhensiya maong daghan matud pa nga mga programa ug proyekto karon ang gihatud sa gobyerno pinaagi sa Tesda ug uban pang ahensiya agig suporta sa programa ni presidente Duterte nga mao ang EO No.70 kon NTF-ELCAC.