Gipasabot ni Eng. Alan Bacatan ang OIC Provincial Director sa TESDA kung unsaon pagpahimulos sa mga programa sa TESDA.
Ang maong institusyon nakig alayon kini sa Technical Vocational Institution (TVI) aron sa ingon makahatag pa ug maayong serbisyo ngadto sa mga katawhan nga ania diri sa atong probinsya sa Zamboanga del norte.
Alang niadtong buot nga mo pahimulos mahimo lamang kamo nga mo adto sa ilang buhatan nga anaa sa Brgy. Olingan, o di ba kaha pwede kamo nga mo apply pinaagi sa online sa www.tesda.gov.ph unya pagkahuman ipa proseso ninyo sa ilang duol nga opisina sa TESDA kung asa mo nahimutang.
Libre na ang pagbansay-bansay lakip na ang pag abalo sa mga tinun-an. Adunay sila programa nga work scholarship program alang sa nagpangidaron ug 18 pataas bisan wala pa wala nakahuman sa sekondarya basta kay interesado mo tungha.
Ang maong programa, gituyo kini paghulma aron sa ingon nga mahatagan ug panginabuhian ang matag- usa nga buot ma bansay.
Gi gahinan kini sa gobyerno karong tuiga sa kantidad nga 13 milyones o 1600 ka mga tinun an ang mahimong maka benipisyo niini.First Come, First Serve basis alang niadtong buot mopahimulos matod pa kini ni Bacatan.
Sa kasamtangan adunay duha ka training center dinhi sa atong probinsya nga mao ang Dipolog Skills of Fisheries ug Provincial Training Center sa lungsod sa Sindangan, ang uban pulos na kini pribado nga ang tesda ang nagbayad.
