Davao City-Giimbestigahan pa sa kapolisan sa Montevista Municipal Police Station, ang motibo sa pagpusil patay sa hepe sa Engineering System Planning sa Davao Del Norte Electric Cooperative Inc., (DANECO) kagahapong adlawa.
Biktima giila nga si Engr.Glen Daclan, 46 anyos, minyo, Engineering System Planning Chief ug nagpuyo sa Barangay Bliss, Monkayo, Comval Province.
Sumala sa report, samtang naniudto ang biktima sa usa ka karenderia sa San Jose Poblacion, Montevista alas dose pasado sa udto, kalit na lamang giduol sa wala mailhing lalaki ug gipusil nga miresulta sa iyang kamatayon. Human sa insidente ang suspetsado gilayong misibat sakay sa usa ka motorsiklo nga naghulat. Usa sa gilantaw nga motibo kalambigitan sa iyang trabaho.
Kasamang Bernard Pantallon
