Ang buhatan sa Technical Education and Skills Development Authority (TESDA) dinhi sa atong probinsya nagpahigayon ug Technical and Vocational Education and Training (TVET) Enrolment Day and Jobs Bridging kagahapong adlawa Pebrero 27-March 1, 2018 alang sa mga buot mo eskwela ug technical vocational nga mga kurso ug alang usab sa mga interesado nga mo avail sa TESDA scholarship programs.
Ang Jobs Bridging usa usab ka programa sa TESDA nga nagahatag ug ayuda sa mga nagpangita ug posibleng katrabahoan labi na kadtong mga graduates sa technical vocational courses pinaagi sa jobs referrals sa TESDA ngadto sa mga employers/kompanya dinhi sa probinsya.
Tungod niini, and TESDA nag awhag sa tanan para sa pagbisita sa mga lugar kung asa ipahigayon ang nahisgutan nga kalihukan nga mao ang mga mosunod:
District 1 – Gloria de Dapitan, Sunset Boulevard, Dawo, Dapitan City nagsugod na gahapon Pebrero 27, 2018 from 8:00 am to 4:00 pm;
District 2 – Provincial Training Center (PTC), Goleo, Sindangan, Zamboanga del Norte karong adlawa Pebrero 28, 2018 from 8:00 am to 4:00 pm;
District 3 – Fatima Gymnasium, Liloy, Zamboanga del Norte karong March 1, 2018 from 8:00 am to 4:00 pm.
Sa mga dili kahigayon ug tambong sa maong mga nahisgutan nga lugar duol lang sa inyong tagsa tagsa ka munisipyo ug pakigkita-i ang Community Training and Employment Coordinator (CTEC) or PESO Manager para sa pagpalista.
Kining maong kalihukan gihimo para mahatagan ug kahigayonan ang tanang mga lumulupyo dinhi sa atong probinsya nga maka avail sa mga programa ug serbisyo sa TESDA para matubag ang mga panginahanglanong skills trainings ug employment facilitation sa matag usa.
