Kahapong adlaw gipahigayon ang dungan nga pag saulog sa adlaw sa Technical Education and Skills Development Authority (TESDA) adunay tema “Malasakit at Pagbabago TESDA Susi sa Kinabukasan”, ika 23 na katuig gikan kini na aprubahan niadtong Agosto 25, 1994 panahon ni kanhi Pang. Fidel Ramos.
Gipasabot ni Eng. Alan Bacatan, ang OIC Provincial Director sa TESDA nga ila kining gisaulog kagahapong adlawa tungod kay karon nga adlaw mao ang ilang Employees Day didto sa Sindangan.
Kahinumduman kagahapon sa buntag human sa misa ilang gisunod ang pagpahigayon ug parade dinhi sa sentrong bahin sa atong dakbayan. Ug pagka hapon mao na ang skills demo ug free services sama sa hilot, basic haircut, motorcycle minor repair, automotive minor repair, ug uban pang serbisyo nga adunay kalabutan sa skill training sa TESDA nga mao ang showcase sa mga tinun-an sa nahisgutan nga training center.
Ang mamahimong dumadaog sa nahisgutan nga kompetisyon maka dawat usab sa sertipiko lakip na premyo nga kwarta, unya ang mamahimong kampyon isangka kini sa region hangtod na sa asian skill competation.
Ge dugang pa ni Eng. Bacatan nga ang TESDA dako kining tabang ngadto sa buot mo apil sa mga pagbansay, kay usa kini ka alternatibo ilabi na niadtong mga kabataan nga maglisod mo padayon sa higher education nga mjao ang kolehiyo.
Gani sa pagkakaron kung mangaplay ka ug trabaho adunay naman mga kompanya nga mangita ug NC2 certificate gikan sa TESDA isip usa sa mga rekisitos aron makasulod ka ug trabaho.
Ang pagkuha usab sa maong sertipiko pinaagi usab kini sa competency assessment pinaagi sa ilang buhatan sa TESDA o diba kaha sa mga accredited nga mga tulunghaan.
Nanawagan usab ang director sa TESDA ngadto sa alang mo pahimulos sa ilang programa nga personal nga mo bisita sa ilang buhatan didto sa brgy Olingan, ning atong dakbayan.
