Mas gipalig-on karon sa Department of Health o DOH Region 10, Northern Mindanao Medical Center ug lokal nga kagamhanan sa Cagayan de Oro ang COVID-19 testing capacity sa rehiyon.
Kini pinaagi sa pagpirma sa Memorandum of Agreement kung asa nasulod niini ang paghatag sa LGU-CDO sa laboratory equipment ug consumables sa DOH-10 TB Reference Center, usa ka biosafety level 2 ug DOH licensed lab nga makapagawas sa confirmatory RT-PCR COVID-19 testing.
Lakip sa gihatag sa lokal nga kagamhanan ang duha ka RT-PCR testing machine, usa ka automated extraction machine, duha ka set sa laptop with printer, UPS, ug AVR, 2 ka vortex mixer, micro centrifuge, refrigerated centrifuge, duh aka full range led dry bath incubator, tulo ka single channel adjustable volume pippeter ug uban pang supplies.
Sa karon, niabot na sa 30 million pesos ang nagasto sa syudad alang sa COVID-19 testing capacity.
