Weather Update! LPA, nahimo nang Bagyong Ferdie

114
PC: CDRRMD / PAG-ASA

5:55 AM 10AUGUST2020

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang gibantayang Low Pressure Area (LPA) sulod sa Philippine Area of Responsibility (PAR) nahimo nang Bagyo ug ginganlang Bagyong (Tropical Depression) “FERDIE”. Kini adunay gilay-ong 210 km Kasadpan Amihanang-kasadpan (West Northwest) nga bahin sa Sinait, Ilocos Sur; kakusgong 55 kph ug paglihok nga 20 kph Amihanan (Northward) ganihang 4:00 sa buntag. Ang bagyo gamay ang tsansa nga mo-landfall.


 

Ang tibuok Mindanao dili apektado sa Bagyo; LPA ug Habagat apan maka-sinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag-ulan, kilat o pagpanalugdog tungod sa “localized thunderstorms”.

 

Hinay (light) ngadto sa kasarangan (moderate) nga hangin gikan sa Habagatang-sidlakan (Southeast) ngadto sa Habagatan (South) maoy mo-resulta sa 1.2 – 2.8 meters nga balud sa kadagatan sa Northern Mindanao.

 

Forecast Position
– 24 Hour(Tomorrow morning): 390 km West Northwest of Basco, Batanes (OUTSIDE PAR).
48 Hour(Wednesday morning):930 km North Northwest of Extreme Northern Luzon (OUTSIDE PAR).

 

Madag-umon ngadto sa hinay (light) nga pag ulan ang nasinati sa ubang parti sa Cagayan de Oro karong orasa.




 

Mapanganuron sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)

 

Mapanganuron usab sa Talakag ug Baungon. (Kining mga lugara ang makapasaka sa tubig sa suba sa Cagayan)

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments