Davao City – Bisan liwas pasko, wala mag-relax ang Task Force Davao sa pagbantay sa seguridad sa katawhan ilabi na karong adlawa, December 26, 2018 (Wednesday) ang anibersaryo sa Communist Party of the Philippines (CPP).
Sa pakighinabi sa DXDC RMN Davao kang Taskforce Davao Deputy Commander LTC Randolph Cabangbang, padayon ang ilang striktong pagpatuman sa hugot nga seguridad ilabi na nga dunay natalang engkwentro sa Sitio upper, Dariango, Brgy. Astorga, Sta.Cruz, Davao del Sur alas-9:40 kagabii.
Sa report sa kapulisan sa Sta. Cruz, naengkwentro sa 39th Infantry Batallion Philippine Army ang wala matinong numero ilawom sa 51 SMRC diin milungtad sa unom ka minute ang binayloay og bala.
Hinuon walay natalang casualty sa gobyerno nga bahin apan wala pa masuta og anaa bay napagan sa pikas pundok.
Busa subay niini, high alert ang otoridad karon gumikan wala gihapon gipadaplin ang posibilidad nga mupahigayon og surpresa nga pangatake ang mga komunista batok sa mga otoridad aron hatagan og kinabuhi ang pagselebrar sa ilang 50th anniversary karong adlawa.
RadyoMaN Renz Barbarona
