TF Davao: Davaoeños alerto na sa ‘culture of security’

Davao City – Gikalipay sa Task Force (TF) Davao ang maayong response sa Davaoeños sa gihimong Community Exercise (COMEX) aron masukod ang kaalerto sa publiko batok sa mga kadudahang indibidwal o butang sa palibot.

Sa interview sa DXDC RMN Davao kang TF Davao Commander, Colonel Darren Comia, iyang gibutyag nga na-report sa Davaoeños ang 14 ka mga disguised terrorist actor nga gipakatag sa nagkadaiyang lugar, diin upat niini gi-report pinaagi sa Davao Central 911.

Aduna usay mga kadudahang butang nga gilayong gi-report sa awtoridad sa mga hotel employee/crew, street vendor, ug uban pang yanong tawo, butang nga nasukod ang kaabtik sa Davaoeños aron mabatokan ang terorismo.

“Natutuwa kami kasi really the Culture of Security in Davao City is alive. Hindi pa rin tayo nagbababa ng ating security measures, bagkus nire-request natin yung alertness and vigilance ng Davaoeños especially ngayong Kadayawan Festival,” sulti sa TF Davao official.

RadyoMaN Kirby Manzon