Tocmo gipatay sa uyab, suspek giingong gipangwartahan sa biktima

Davao City – Kalagot ang gibati sa Davaoeños ug sa netizens human nga giangkon na ni Simeon Gabutero alyas Gabro nga siya ang mipatay kang si Rhea Mae Tocmo, 19 anyos nga taga Panabo City, Davao del Norte nga napalgang wala nay kinabuhi ug gisulod sa karton sa Barangay Tisa, Cebu City niadtong July 17, 2023.

Kumento sa Davaoeño nga si Gina Bering sa DXDC 621 RMN Davao Facebook page, nga dili rason nga iyang patyon ang iyang uyab bisan pa og nakagasto kini ug kung unsa ang nahimo sa babae.

“Ang lalaki bisan pa’g nakagasto sa babae, dili gihapon na reason nga imuhang patyon tungod kay ang babae very weak ug vulnerable. Dili ma-explain kung unsa ang bation sa pamilya nga giatiman hangtud mudako. Sakit kaayo sa pamilya nga patyon lang diay sa laing tao,” kumento niini.

Nasayrang giangkon ni Gabutero nga nasuko ug nasakitan siya sa gihimo ni Rhea Mae nga kanunay matud pang mangayo og kwarta gikan pa niadtong Disyembre 2022 sa ilang pagka-uyab, apan nasayrang niining aduna usay laing hinigugma ang babae.

Una na usab nga gipanawagan sa DXDC RMN Davao ni Rochie Poblacion, igsoon ni Rhea Mae nga makab-ot ang hustisya ug madakpan ang responsable sa maong brutal nga krimen.

RadyoMaN Kirby Manzon