Davao City – Naka-heightened alert ang Task Force Davao aron walay mahitabong spill-over subay sa giingong Suicide bombing sa kampo sa militar sa Brgy. Tanjung, Indanan, Sulu nga nikalas og walo ka mga kinabuhi ug ubay-ubay ang angol.
Sa interbyu sa RMN Davao kang TFD Commander Col. Consolito Yecla nga human gilayon sa maong insidente gi-lockdown nila og pila ka minuto ang sa tulo ka mga checkpoints niadtong adlaw’ng Biyernes.
Matud ni Yecla nga hugot nga pagrekisa ang gi-implementar sa tanang sakyanan nga musulod sa syudad.
Usa sa mga gidugang pa nga security measures sa Task Force Davao ang pag-body frisk sa mga nagsol-ob og mga baga nga mga jacket aron masiguradong wala kiniy dalang eksplosibo ug mga armas.
Hugot usab nga gipangbantayan sa Task Force Davao ang mga simbahan ug mga mosque dinhi sa dakbayan.
Subling gipahimangno ni Yecla sa katawhan ang ‘No Back Pack Policy’ sa mga pampublikong establisemento.
RadyoMaN Aimee Guinita
