Davao City – Hugot karon ang gipatumang security measures sa Task Force Davao (TFD) batok sa unsa mang hulga sa terorismo aron malikayan usab ang nahitabo karon sa Afghanistan diin gi-takeover sa Taliban group ang ilahang gobyerno.
Sa interbyu sa DXDC RMN Davao kang Colonel Darren Comia, Spokesperson sa TFD, gibutyag niini nga hugot karon ang ilang koordinasyon sa uban pang law enforcement agencies sa pagpatuman sa seguridad sa dakbayan.
Segun ni Comia nga ilang gisigurong maabot sa suok nga mga lugar, sa kabarangayan ang kampanya nga “Culture of Security” nga usa sa mga anti-terrorism campaigns sa City Government of Davao.
“Pinapaigting nating ‘yung collaboration and coordination with the other units/agencies of government like ‘yung mga intelligence community para ma-prevent natin ‘yung mga similar incident to happen,” sulti ni Comia.
Gibutyag sa TF Davao Commander nga wala silay na-monitor nga hulga sa mga lokal nga terorista gani gipasalamatan niini nga daghang terorista sa laing mga lugar sa Mindanao ang mitahan na sa gobyerno.
RadyoMaN Kirby Manzon
