Davao City – Posibleng mahitabo ang giingon ni Pres. Rodrigo Duterte nga ‘multiple, 1 or 3 cities terror attacks’ kung dili mokooperar ang katawhan sa mga awtoridad pinaagi sa paghatag og ensaktong mga impormasyon gikan sa ilang mga komunidad.
Sumala ni Task Force Davao (TFD) Deputy Commander Col. Randolf Cabangbang, ang giingon sa pangulo nga ‘multiple, 1 or 3 cities terror attacks’ sama sa usa ka syudad atakihon ang tulo ka mga lugar o tulo ka mga dagkung syudad nga dunganon sa pag-ataki sa mga terorista.
Matud ni Cabangbang, tungod niini nga matang sa pagpangataki daghan nang mga Task Force ang gimugna sa mga major cities sa Mindanao sama sa Task Force Cagayan De Oro, Gen. Santos City, Cotabato ug Zamboanga aron bantayan ang pagpangataki sa mga terorista.
RadyoMaN Bernard Pantallon
