Davao City – Gibutyag sa Task Force Davao nga ilang gikonsidera ang bus bombing isip scenario sa 4th quarter sa Simulation Exercise (SIMEX) nga himuon karong Nobyembre 2022.
Sa interbyu sa DXDC RMN Davao kang Colonel Darren Comia, Task Force Davao Commander, gipasabot niya importante nga mapangandaman ang mga insidente ilabi na kadtong nagapanghitabo gawas sa dakbayan sama sa Tacurong bus bombing dili pa lang dugay.
“Kailangan naming ma-determine kung na-instill na sa mind nila ang role ng security forces in the event of terror attack dito sa Davao City. That’s why we are not announcing it as to the venue, the time and the place,” sulti ni Comia.
Gipanawagan sa Task Force Davao ang kooperasyon sa Davaoeños sa kampanya sa City Government of Davao batok terorismo.
RadyoMaN Kirby Manzon
Facebook Comments
