Senior Citizen nadakpan sa kasong pagpameke og pampubliko nga dokumento

23
Margosatubig, Zamboanga del Sur – Nadakpan sa operatiba sa Criminal Investigation and Detection Group (CIDG) ang usa ka senior citizen gumikan sa kasong falsification of public documents didto sa Brgy. Tiguian sa lungsod sa Margosatibug ning probinsya sa Zamboanga del Sur alas 4:15 sa nakalabay nga hapon.
Base sa impormasyon gikan kang Police Lieutenant Colonel Rex Perocho, ang CIDG-Zamboanga del Sur Provincial Field Office chief, naila ang nadakpan nga si Claudio Deripaz, Jr., 74-anyos.
Ang akusado nga si Deripaz nasikop sa tropa sa CIDG resulta sa ilang subsub nga kampanya batok sa wanted persons nga gitawag og Oplan Pagtugis.
Dala sa otoridad ang warrant of arrest batok sa akusado sa kasong falsification of public documents nga gipagula sa korte niadtong November 9, 2022.
Sigon sa labaw sa CIDG nga si Perocho namaligya matud pa og gamit sa pagpanguma ang akusado ngadto sa iyang apo pinaagi sa palsipikado nga dokumento.
Ang dinakpan temporaryo nga gipaslak sa CIDG-Zamboanga del Sur Provincial Field Unit ug gitugutan sa korte nga makapyansa sa kantidad nga 36, 000.
Facebook Comments