Davao City – Walay hulga sa terorismo dinhi sa syudad sa Davao nunot sa alegasyong pagpanghulga sa ISIS sa Northern Luzon.
Kini ang gikumpirma ni Task Force Davao Commander Col. Consolito Yecla atol sa gipahigayong AFP PNP Presser.
Pagpaklaro ni Yecla nga wala usab pagpangatake nga nahitabo sa bisan asang lugar sa Davao sanglit kanunay ang security measure sa high alert status.
Subay niini, mas pahugtan sa kasundaluhan ang seguridad sa Kadayawan ilabi na sa San Pedro Square human usab napasa ilawom sa suspended rules sa konseho ang pagdeklara sa maong lugar isip Maximum Security Zone.
Gikanayon sa labaw sa TFD nga gawas sa pagpatuman sa nagkadaiyang palisiya sama sa No Backpack ug No Jacket Policy gihimo usab nila nga intelkigence ang mga sidewalk vendors sa maong lugar aron modugang sa pagbantay sa malinawong Kadayawan.
Dugang ni Yecla nga dili lang kini sa Kadayawan apan alang usab sa mmumaabot oa nga dagkong aktibidad sama sa Araw ng Dabaw ug uban pa.
RadyoMaN Jason Amisola
