Human sila napaubos sa “stress debriefing” gipahigayon usab ang santos nga misa isip pasalamat alang sa mga survivors sa natikyaob nga MB Habagat Romeo sa buhatan sa Mandaue City Social Welfare Service .
Si Jessie Perez sa CSWS Mandaue City , nibutyag nga ang thanksgiving mass agig pasalamat sa ikaduhang kinabuhi sa mga biktima human sila naluwas gikan sa natikyaob nga motorbanca didto sa San Francisco sa Isla sa Camotes.
Nisaulog sa misa ug nihinabi usab sa mga biktima nga naa sa kustodiya sa CSWS mao si Msgr. Daniel Sanico sa National Shrine of Saint Joseph .
Mapasalamaton usab si Perez sa iyang mga kaubanan sa CSWS ug mga personnel sa ubang buhatan sa kagamhanan sa pag-atiman sa mga survivors sukad sa ilang pagdangat niadtong Martes sa gabii .
Duha ang namatay samtang tulo ang padayong missing sa maong insidente sa kadagatan .
