Gin-anunsyo sang team owner sang Tanduay alab Pilipinas nga si Charlie Dy nga makita liwat sa basketball court sanday Reynaldo Balkman kag Justin Brownlee.
Suno kay Dy, pabaskugon pa sang duha ka cagers ang line up sang alab nga nagapasakop subong sa Asean Basketball League ukon ABL.
Pagabuslan nila nga duha sanday Ivan Johnson kag Reggie Okosa.
Ginalauman naman nga magasulod sa hampang ang 6’8 nga si balkman kag ang 6’7 nga si Brownlee sa miyerkules kontra sa Westports Malaysia dragons sa filoil Flying v centre.
Nangin kontrobersyal ang nba veteran nga si Balkman sa pagpangluok sa team mate sini sa petron nga si Srwind Santos nga nagresulta sa iya lifetime ban sa PBA sadtong 2013.
Si Brownlee naman ang ulihi nga naghampang sa Barangay ginebra kon sa diin nagpabilin siya didto sang duha ka tuig.
