SYUDAD sang Iloilo – Nagbisita sa syudad sang Iloilo si Mr. Kevin Punzalan, Senior Policy Officer sang embahada sang Kingdom of the Netherlands para sa isa ka tour kag i-propose ang ThinkBike workshop.
Kaupod diri ang Dutch Cycling Embassy agud i-promote ang cycling culture, mabuhinaan ang traffic jams kag mapakigbatuan ang climate change.
Suno kay Punzalan ang workshop gintalana sa Oktubre 7, 2019.
Pahayag ni Punzalan isa ini ka Public Private Partnership program kag pinakauna nga himuon sa syudad sang Iloilo.
Nahibaluan nga ang syudad sang Iloilo ginkilala na nga bike friendly city sa bug-os nga pungsod.
Sang nagligad nga semana, ginhiwat man diri sa syudad ang isa ka international cycling marathon nga Gran Fondo New York (GFNY) nga ginpasakupan sang mga siklista diri sa Pilipinas kag gikan sa iban nga pungsod.
Photo from web
