*General Santos City— Andam na ang gensan city police office alang sa implementasyon sa ilahang security plan alang sa umaabot nga midterm election sa adlaw’ng lunes, Mayo 13.*
*Sumala ang Police Col. Aden Lagradante, City Director sa GSCPO nga nakapahigayon na sila ug panagpulong uban ang COMELEC aron masigurong hapsay ug malinawon ang piniliay sa dakbayan.*
*Samtang gipaklaro ni Pol. Col. Lagradante nga walay dugang pwersa ang kapulisan sa dakbayan sa pagbantay sa siguridad sa adlaw’ng lunes*
*Kini gumikan, kung pila lang matud pa ang pulis nga i–deploy gikan sa city headquarters ug mga police station, mao lang ang gamiton.*
*Apan gibutyag niya nga kaya sa ilahang ihap nga masigurong walay unsa mang kakulian nga mahitabo atol sa maong piniliay ug anaa matud pa ang presensya sa Joint Task Force Gensan ug ubang mga force multipliers.*
*Gipaniguro man usab ni Pol. Col. Lagradante nga walay mahitabo sa tanang election paraphernalia nga pagagamiton panahon sa piniliay.*
*Saysay niya nga aduna na silay gihimong koordinasyon tali sa COMELEC Gensan kabahin sa mga schedule sa pag-balhin sa vcm ga maoy gamiton sa eleksyon.*
*Pamahayag niya nga ilaha ng gilauman ang mga posibleng mahitabo ug nagpahigayon na sila ug threat assessment aron nga mapangandaman ang unsa mang posibleng kakulian.*
