Nakabaton sang pamahog ang Sara PNP kasunod sang pagserbe sang search warrant sa mga Salcedo.
Suno kay PSInsp Asencion Ortizo, hepe sang Sara PNP, antes pa man ginhiwat ang operasyon, may nabaton na siya nga pamahog, ginapa-andaman siya nga indi maglagaw bangod siya pa ang maigu-an.
Pagkatapos sang operasyon kahapon, nakabaton man ang Sara PNP sang pamahog nga nagasiling, “bombahan sang mga Muslim ang Sara kon may matabo kay [former] mayor Tali Salcedo.”
Suno kay Ortizo normal ang mga pamahog sa Sara.
Ginpahayag ni Ortizo nga may nabaton sila nga impormasyon nga nagsumpa ang mga muslim sa Sara kay former mayor Neptali “Tali” Salcedo nga kon may matabo sa ila pamilya, bombahan nila ang Sara.
Subong man, indi tanan nga Muslim sa Sara malain suno kay Ortizo.
Posible man suno s aiya nga ginagamit lang ang mgfa muslim pero ang matuod halin sa lain nga grupo ang nagapamahog.
Wala naman nagakumpiyansa ang Sara PNP kag ginpasiguro nga nakahanda sila sa tanan nga tion.
Nahibaluan, patay si Ricky Salcedo, anak ni Tali kag Nixon “TJ” Salcedo sa operasyon sang mga kapulisan sa balay sang mga Salcedo kahapon.
Nagapabilin naman nga atlarge tubtob subong si former Mayor Neptali “Tali” Salcedo kag anak nga si Nixon Salcedo Sr.
#TatakRMN Photo via Sara PNP
