CHINA – Nagapangatubang karun sang kaso ang isa ka 36 anyos nga lalaki matpos magkilalahay ang iya tatlo ka mga asawa.
Ini ang ginkilala kay Zhang, residente sang Jiangsu province sa China kag isa ka property agent. Ang duha niya ka asawa anay man kliyente sini.
Sang 2015, nagpakasal si Zhang sa iya una nga asa nga taga-Kunshan. Nagapuyo naman sa Henan ang iya ikaduha nga asawa kag taga-Anhui ang iya ikatatlo nga asawa.
Layu-anay ang tatlo gani imposible nga magakitanay ang mga ini. Wala man nahibaluan sang mga otoridad ang pagpakasal sang makatatlo ka beses sang lalaki bangod lain-lain ang data base sang tagsa ka probinsya.
Tagsa ka magpadulong sa isa ka asawa, nagalisensya si Zhang nga may trabaho ini sa malayo.
Umpisa nga nagduda ang ikaduha nga asawa ni Zhang nga si Chen matapos mabasahan sini ang flirty message sa cellphone sang bana sang Marso 2017.
Sadto, sang naglisensya ang bana nga maglakat s atrabaho, ginsundan ini ni Chen kag didto niya nahibaluan kag natultolan ang balay snag una nga asawa sang iya bana.
Namutikan man ni Chen nga may masami nagatawag sa iya bana apang wala sini ginasabat ang iya cellphone.
Ginkopya ni Chen ang numero kag didto niya nakilala ang ikatatlo nga asa ni Zhang.
Sang amo nga tion, nagabusong pa ang ikatatlo nga asawa nga si Wang.
Nakipagdivorce ang una nga asawa ni Zhang samtang nagfile naman sang kaso si Chen kag Wang.
Nagapangatubang karun si Zhang sang kaso nga polygamy nga isa ka criminal offense sa China kag may penalidad nga duha ka tuig nga pagkapreso.
Photo from web
