Padayon ng gipailawom sa state of calamity ang tibuok lalawigan sa Zamboanga del Norte kini human gikastigo sa milabayng bagyong Vinta ang pipila ka mga lungsod sakop ning lalawigan.
Sa interview sa Rmn-Dipolog kang vice-governor atty. Senen Angeles gipahayag niini nga sa ilang regular session napasar ang resolusyon nga nagdeklarar sa tibuok probinsya nga anaa sa state of calamity tungod sa gibiyaang kadaot sa milabayng bagyo.
Gipasabot sa bise-gubernador nga ilang gideklara ang state of calamity sa tibuok probinsya tungod kay sobra sa duha ka mga lungsod ang grabeng naapektuhan sa bagyong vinta.
Nasayran, nga bisan pa niadtong wala pa madeklara ang state of calamity sa tibuok lalawigan, ang probinsya nagpaabot gilayon ug mga ayuda ngadto sa mga nahimong biktima partikular sa lungsod sa Sibuco, Siocon, Baliguian, Sirawai, Gutalac ug uban pa bisan paman sa kalisod sa dalan tungod usab sa pagkaguba sa ubang tulay sa lungsod.
Matud pa ni Angeles, 7 ka mga dumptruck nga nagsulod ug mga relief assistance alang sa mga biktima ang malampuson nga nadala ngadto sa mga lungsod nga grabeng gikastigo sa bagyon Vinta. (M.L)
