Tiempo ti Tikag: Makaitunda ti Kellaat a Panagngato ti ‘Blood Pressure’

31

RMN LAOAG – Posible a makaitunda ti kelaat a panagngato ti blood pressure ken makaitunda pay ti pannakaatake iti panagbaliw-baliw ti paniempo kadagitoy a gundaway.

Kinumpirmaran daytoy ni Dr. Ramon Gaoat mainaig ti dakes nga epektona ti kellaat a panagpudot ti tiempo gubuay ti tikag ken kagiddan pay ti panaglamiis ti parbangon.

Inlawlawag ti doktor nga adda ti epektona ti panagngato ken panagbaba ti blood pressure iti panagbaliw baliw ti paniempo gapu ti panagbaliw ti kondision dagiti blood vessels nangruna kadagiti nataenganen.

Gapu iti daytoy, imbalakadna ti panagcheck –up wenno panagpakonsultar ti doctor no adda dagiti marikrina tapno maliklikan ti kelaat a pannakaatake kadaytoy a panawen.

“Masapul met ti regular a panagehersisyo, insakto a taraon ti bagi ken kaadoen ti panaginom ti danum” – Gaoat.

Bernard Ver, RMN News

Facebook Comments