Ya conduci el que se llama ceremonial checkpoint elmaga pulis junto con el personajes del Commission on Election na differente calsada del ciudad particular na este y weste enante alas 12 del madrogada.
Este un señales que ya comensa ya el periodo del eleccion para na barangay donde ta sigui dayun implementa el total gunban.
Bajo na proviciones del Comelec, projivido el maga gente carga pusil y otro armas que puede quita vida del otro durante el tiempo de campaña hasta despues del votacion.
Presente durante del ceremonial checkpoint el maga alto oficiales del pulis y del Comelec donde nohay tambien conquine ya cuji ta viola con el maga leyes amediante tambien el implementacion del martial law aqui na Mindanao.
Enante tambien el primer dia del filing del certificate of candidacy de aquelios ta deceia fuesto na barrio.
