Gi-angkon ni Police Lieutenant Leah Orbuda ang tigpamaba sa Incident Command System sa Padada Davao Del Sur nga kulang gyud ang ilang himan sa dinagko nga Search and Rescue Operation sama sa natabunan ug mga gambalay ang ilahang munisipyo.
Sumala pa niini nga wala gilayon sila nakarescue sa natumpag nga gambalay nga South Green Marketing nga gituohang adunay mga trabahante ug mga customer ang natabunan tungod kay gipa-abot pa nila ang mga rescuer sa ubang lugar nga kompleto ug himan.
Nakahatag usab ug babag ang sunod sunod nga mga after shocks hinungdan nga mas gi-una nila ang safety sa mga rescuer nga musuong sa maong natumpag nga gambalay.
Dugang pa niini nga una nang nareport sa ilahang command center sa mga rescuer nga sa pagsuta nila sa natumpag nga gambalay gamit ang thermal scanning ug life extraction apparatus ilahang nasayran nga adunay posibleng na trap sa maong gambalay nga lima ngadto na sa walo ka mga tao.
Nasayran nga alas 6:00 pasado sa buntag nakalutan sa mga rescuers ang patay nga lawas sa usa ka babaye sa maong lugar ug pa ang ilahang pagsuta sa maong gambalay aron sutaon kung duna pay laing tawo ang natrapsulod sa gambalay.(Dave Silagan)
