General Santos City–Wala nagtuo ang tigpamaba sa PRO 12 nga si Police Lieutenant Colonel Lino Capillan nga dunay nag paluyo sa sunod-sunod nga nga pagpamusil sa Gensan ingon man sa Koronadal City.
Sumala pa ni Capillan nga ang nahitabong shooting incident sa Gensan ug Koronadal usa lamang matud pa ka isolated case ug wala usab gipasagdan sa kapulisan ang pagbantay sa segurid sa SOCKSARGEN area.
Gani saysay usab sa opisyal nga gimando ni Regional Director Brigade General Alfred Corfuz sa iyang mga ginsakpan nga pahugtan pa ang pagbantay sa mga checkpoint sa nagkadaiyang lugar sa Socksargen aron dili malutsan sa mga dautang elemento.
Wala usab nagtuo ang opisyal nga dunay nahitabong pamulitika sa mga pagpamusil aron lamang gub-on an gliderato ni city director Aden Lagradante aron masuko ang mayor ug mga opisyal sa syudad.
Gani sumala pa niini nga dili gayud malikayan ang nagakahitabo nga insidente sama na lamang sa pagpamusil apan gipaniguro niini nga wala ginapasagdan sa kapulisan ug ilaha kining gina-imbestigahan aron madakpan ang mga responsible ug mahatagan ug hustisya ang mga nabiktima.(Reynald Timario)
