Davao City – Subay sa gipakusgang kampanya kontra iligal nga droga naaresto sa Bunawan PNP ang usa ka tigpahuyot og shabu.
Sa interbyu sa RMN Davao kang Bunawan PNP station commander Police Major Noel Villahermosa nga positibong nakuhaan og droga ang suspek nga si Mervin Ancog Patinga, alyas “TOTO”, 33 anyos, atol sa ilahang pagimplementa sa giisyung search warrant ni RTC Branch XI Executive Judge Emmanuel Carpio.
Narekober sa kapulisan ang nagkantidad sa P10,000 nga shabu sa posisyon sa drug suspect sa may Purok 4, Bangoy Compound, Ilang, Davao City.
Sumala ni Villahermosa nga iduso karong adlawa ang kasong may paglapas sa Sec 11 sa RA 9165 batok sa dinakpan.
RadyoMaN Aimee Guinita
Facebook Comments
