Manila, Philippines – Nahaharap ngayon sa kasong administratibo at kriminal ang dalawang pulis Pasay sa na naaresto sa ikinasang entrapment operation ng Philippine National Police (PNP) Counter Intelligence Task Force (CITF) dahil sa pangongotong.
Kinilala ang mga pulis na sina P02 Jerry Adjani Jubail at P01 Michael Mendivel Domalanta.
Ayon kay Senior Superintendent Chiquito Malayo, Hepe ng CITF, nangongolekta ang mga suspek ng 300 Pesos hanggang 500 Pesos sa bawat bus o van driver para makapagsakay ang mga ito ng mga pasahero sa illegal na terminal sa Pasay city.
Napag-alaman pa na hindi bababa sa 5,000 Pesos ang nakokolekta ng dalawang pulis kada araw sa mga pamapasherong bus at van kung saan noong isang taon pa nila ito ginagawa.
Bukod sa kaso, sinibak na din sila sa puwesto at kasalukuyang nasa kustodiya ng PNP-CITF sa Camp Crame.
