Parañaque City – Naaresto na ng mga otoridad ang isa sa apat na suspek sa panghoholdap sa isang gotohan sa Parañaque City noong Huwebes.
Ayon kay NCRPO Director Chief Superintendent Oscar Albayalde, dinala sa ospital ang suspek na si Justin Arador dahil sa tinamong injury sa braso matapos na mahulog sa isang bahay habang nakikipaghabulan sa mga pulis.
Nakuhanan si Arador ng isang kalibre 38 baril.
Tukoy na rin ng pulisya ang pagkakakilanlan ng tatlong iba pa pero tumanggi munang pangalanan dahil sa nagpapatuloy na hot pursuit operation.
Target na maaresto ang tatlo sa loob ng dalawang araw.
Facebook Comments
