General Santos City—Igo na lamang sa paghilak ang usa ka ginang kini human mabiktima sa mga kawatan og tulisan kaniadtong milabayng adlaw sa may Purok Villegas Malakas Barangay San Isidro General Santos.
Subay sa report sa San Isidro Police Station gisulod sa mga kawatan og tulisan ang tindahan nga gibantayan sa biktimang si Christine Camag, 21 anyos, residente sa Villegas Subd Purok Malakas Barangay San Isidro bandang ala Una sa kahapunon.
Matud pa sa biktima nga abtik nga misulod sa iyahang tindahan ang suspek nga nakasuot og helmet og armadong kutsilyo dala deklara og tulis. Aron dili makapalag ang tinder gigapos sa suspek ang mg akamot og tiil niini ingon man gitaptapan ang baba sa babaye aron di kini makasinggit.
Kauban sa negosyanteng babaye ang iyahang 1 year old nga baby nga natulog niadtong tungura sulod sa ilahang gipuy-an. Malampuson nga nakuha sa mga kawatan og tulisan ang cash sa tindahan nga mukabat sa P-12,000 pati na ang mga personal nga gamit sa biktima.
Sa gihimong pag imbestiga sa Police Station 4 sa pagpanguna ni P01 Elbren Lacasa nga posibling natiktikan sa mga suspek ang biktima human kining nagloan sa pautang alas Onse sa Udto og pagka Ala Una sa hapon didto na gisulod ang tindahan niini. nakalingkawas lamang ang bitkiamgn si Christine Camag sa dihang may nagpa load sa iyahang tindahan og didto nakit-an ang tindera nga nakagapos pa.
Sa pag responde sa kapulisan abtik na nga miikyas ang mga suspetsado sakay sa usa ka wala mailhing motorsiklo. Pahimangno karon sa kapulisan sa mga may negosyo nga siguraduhong may CCTV Camera, o sarado ang mga pultahan o gate sa panimalay og may alarm system aron dali makapangayog tabang sa oras sa emerhinsiya. (Emir Bariguit)
