Davao City- Gilungkab sa kawatan ang usa ka tindahan sa Bayanihan St. Bajada ning syudad alas 6:00 sa kabuntagon.
Subay sa report gikan San Pedro PNP, ang complainant mao si Zaldy Alcano, 46 anyos nagpuyo sa nasampit nga lugar samtang ang suspek nailang si alyas Kimoy.
Matud pa ni Alcano samtang didto siya sa iyang gipuy-an, iyang namatikdan nga anaay misulod sa tindahan tungod abri na ang purtahan ug nahanaw na ang cash nga mukantidad og 5,000.00 pesos lakip nakuha ang usa ka unit sa cellphone nga mukantidad og 400.00 pesos.
Sa gihimong pag-review sa CCTV footage, nakaplagan ug nakit-an ang suspek nga si alyas Kimoy kansa siya maoy responsable sa paglungkab sa maong tindahan.
Human sa hitabo ang tag-iya sa tindahan nga si Alcano nagpa-blotter sa San Pedro PNP aron iya usab paimbestigahan ang maong insidente.
RadyoMaN Don Pulayao
