Davao City- Gitigbas-patay ang usa ka lalaki sa iyang pag-umangkon kagabii.
Nadala pa sa Southern Philippines Medical Center (SPMC) si Lovedico Avendan, 53 anyos, minyo ug nagpuyo sa New Carmen Tugbok District ning siyudad.
Ang biktima gilagaraw matud pa sa iyang pag-umangkon nga si Ronnie Matanggo tumong sa tiil ug bukton.
Matud sa testigo nga si Ruel Benigo nga nag-inom pa ang duha ug dihang pareho nang hubog nagkasumpaki matud pa ang mag-uyoan.
Mikuha og lagaraw si Ronnie dayon tigbas pila ka higayon ngadto sa biktima alas 10:00 kagabii.
Kritikal nga nahatud sa SPMC si Lovedico pasado alas-11:00 sa kagabhion apan bandang pasado 12:00 sa kadlawon gideklara nga patay na ang biktima gumikan sa mga samad tinigbasan.
RadyoMaN Joel Viray
Facebook Comments
