Blanko pa gihapon karon ang kapulisan sa Sindangan kun si kinsa ang kawatan nga misulod sa usa ka Cellphone Shop niadtong miaging adlaw mga alas 7:45AM.
Kahinumduman nga si Cherryl Calunsag Suico, 23 anyos, dalaga ug Manilyn Lampawog Turno, 20 anyos, menyo ug pulos tindera sa CellPhone Shope and Accessories, molupyo kini sila sa brgy. Misok, sakop sa maong lungsod. Dali kini sila nga mitaho sa kapulisan sa Sindangan may kalabot sa pagpanglungkab sa tindahan nga ilang ge trabahoan
Subay sa taho sa kapulisan Sindangan mga 7:30AM sa pag abli sa mga tindera sa ilang tindahan nga gipang-iyahan ug gidumala ni Jessa Hanson Paculba, 23 anyos, dalaga, molupyo sa Pob. Sindangan.
Didto ilang nakita ang nagkatag nga mga paninda sulod sa ilang pwesto ug gituohan kining gisulod sa wala mailang mga suspetsado.
Padayon karon ang pag imbistiga nila ni PO2 Moner T. Sapihi Jr., PO2 Ramil S. Tequil and PO1 Marlon M. Bañez may kalabot sa maong panghitabo.
Nasayran kini nga miagi sa wala nasirhan nga pultahan sa luyo nga bahin ug didto sayon lang nga gipamunit sa mga suspek ang mga Cellphone, Tablets ug Portable Speaker nga gibana-bana kining mo kantidad sa P150,000mil lakip usab nga gitangag ang wala matino nga salaping cash nga anaa sa sulod sa Drawer.
Sa kasamtangan padayon ang ginahimong follow-up Investigation sa Sindangan MPS aron sa posibleng pag-ila ug pagka sikop sa mga suspetsado.
