Ugdaw ang baligyaanan ug mga piniritong saging nga nahimutang sa Marang St. Barangay Dadiangas South ning dakbayan human kining nasunog.
Nahitabo ang pagkuyanap sa kalayo pasado alas 3 sa hapon kaganina. Sa maong panghitabo usa usab ang samdan nga naila sa pangalan nga usa ka Richard Mahusay 23 anyos trabahante sa sagingan, nga kasamtangang nagpabilin sa ospital.
Daghang paso sa nagkadaiyang parte sa kalawasan ang naangkon sa biktima, nasayran nga sya ang maoy nagluto ug saging sa dihang nahitabo ang pagbuto sa gasul..
Sa inisyal nga imbestigasyon migawas nga nagsugod ang sunog sa dihang mibuto ang gasul nga maoy ginagamit sa pagluto ug saging sa maong lugar. Gipa-amping usab sa mga otoridad ang mga negosyanteg saging sa maong lugar nga mag-amping, Sumala ni FO3 Tumambiling nga susihon jud ang mga gasul aron malikayan ang disgrasya.
