Tinuig na Business One Stop Shop tagsugdan na sa Surigao City
Tagsugdan na an tinuig na pagpahigayon nan Business One Stop Shop sa Surigao City Gymnasium na kon diin an mga negosyante na mag-apply o mag-renew sa ila business permits an isa-isa na tagproseso.
Sumaya pa nan hepe nan Business Permit and Licensing Office na si Ernesto Kang, opisyal na nagsugod an ila operasyon kuman adlawa ug matapos sa nagsingabot na Enero 20. Target nila na ma-proseso an kapin 4,000 ka mga Business Permits ug posible mokita an siyudad nan kapin P20 milyones.
Tagtudlo pa ni Kang, ila tagtakda na pasidunggan an una na 20 ka mga negosyante na mag-apply ug makabayad sa ila Business Permit kuman adlawa, lain pang mga gift items ila isab ihatag isab ngadto sa mga early bird o sajo sa pag-renew sa ila permit sa pag-negosyo.
