Ang pagka wala sa atoang tingog o pagkapagaw o laryngitis sa terminong medical, mao ang normal lang nga kondisyon nga ma tagamtagam sa maski kinsa.
Epekto kini sa paghubag sa larynx o voice box nga maoy gigikanan sa atoang tingog kung kita mu-istorya. Ang kanunay nga pag-istorya o impeksyon hinungdan sa paghubag sa imuhang tutunlan.
Mas nindot nga atong malikayan ang pagkapaos ug malikayan usab ang mga butang nga makapasamot niini. Atong sayrun kung unsa ang mga butang nga angay natong buhaton arun malikayan ang Pagkapaos o ang gitawag nga Pagkapagaw.
1. INUM UG DAGHAN TUBIG
Ang imohang pag inom ug tubig makatabang aron dili mag sige og uga ang imohang tutunlan. Importante nga pirmi nga basa ang tutunlan para dili musamot ang kondisyon nga imong nabati og paspas pud ang imuhang pag-ayo. Mas nindot ang medyo init-init nga tubig ang imohang imnun.
2. INUM UG TSA NGA ADUNAY LEMONSITO
Nindot sa imong sitwasyon ang muinom ug init nga tsa nga adunay lemonsito. Pero dapat, dili kaayo init og dili pud bugnaw, tama-tama lang.
3. MAG-LIMUGMOG UG TUBIG NGA NAAY ASIN
Duna usab nindot nga epekto ang pag limugmog og init-init nga tubig nga adunay gamay’ng asin aron mapanindot ang imohang kondisyon. Pero kinahanglan likayan ang sobrang parat nga tubig tungod kay makapasamot kini sa imohang kondisyon.
4. HINAY HINAY LANG SA INYOHANG PAG ISTORYA
Kung kamo napaos, mas nindut kung hinay hinay usa ang imohang pag-istorya.
Ikaw ba nakasinati na og pagkapaos o kun pagkapagaw?
Aduna ka pabay laing remedyo arun mapaayo kini?
Please leave your comments below.
Para sa dugang pang Tip Ni Luningning paminaw sa iFM 93.9 Davao matag gabii, alas 9 hangtud alas 12 sa programang You & i.
