Davao City – Nikunhod og 70% ang ihap sa kaso sa tipdas dinhi sa dakbayan.
Base sa datos sa City Health Office nga niadtong Enero 2018 adunay 141 cases samtang 45 ka kaso sa susamang period karong tuiga.
Gipahibalo karon ni CHO head Dr. Josephine Villafuerte sa publiko nga sugod karong adlawa abli na ang mga Barangay Health Centers matag hapon Lunes kutob Biyernes alang sa bakuna kontra tipdas.
“Usually we do immunizations on Wednesday but now they can come any day because the health centers will be open especially in the afternoon,” matud niini.
Gitataw ni Villafuerte nga dili magkulang og mga bakuna bisan pa man karon nga gi-skedyul na nila kini’g lima ka adlaw ang vaccination.
Gibutyag ni Villafuerte nga nakatala og 2 deaths ang Davao City sa tipdas sukad Enero hangtod Pebrero ning tuiga.
Matud niini nga ang duha ka mga biktima nga nag edad og usa ka tuig parehong wala na-immunized.
Sumala ni Villafuerte nga taga-Bunawan ang unang natala nga namatay nga bata sa tipdas niadtong Enero samtang taga-Matina Pangi usab ang namatay karong bulana.
Niadtong Enero 1-26, 2019 pinakadaghang naigo sa maong balatian mga nag-edad og 4 years old paubos.
Nakatala og 5 ka kaso sa tipdas sa Agdao, 5 sa District A (Barangay 1-10), 4 sa Disctrict C (Barangay 21-30), 4 sa Talomo Central ug 4 sa Talomo South.
RadyoMaN Aimee Guinita
