Davao City – Nanawagan si Ryan Maunes kinsa gitudlong CEO sa Titan 29 Marketing sa lain pang mga opisyales nga makigkooperar sa mga awtoridad.
Sa eksklusibong interbyu sa RMN Davao gibutyag ni Maunes nga kini aron malimpyuhan nila ang ilahang mga pangalan ug mabalik nila ang kwarta sa mga investors.
Gikumpirma usab niini nga kauban gayod niya sa nasangpit nga investment scheme ang laing upat pa ka mga personalidad nga lakip sa kasuhan sa NBI nga sila RL Sabucedo, Annabelle Laluna, Ces Laluna ug Mark Miculob.
Gibutyag ni Maunes nga paningkamutan karon sa Titan nga mauli sa mga investors ang ilahang mga capital.
Gitataw niini sa iyahang kabahin giapod-apod na niya ang kwarta ngadto sa mga tao nga siya mismo ang nangatubang gikan usab mismo sa iyahang nadawat nga P115M gikan sa ilahang grupo.
RadyoMaN Aimee Guinita
