Davao City – Giturn-over na ngadto sa Davao City Jail ang maestro kinsa adunay kasong lugos.
Kini matud pa ni San Pedro PNP station commander Police Major Melvin Violan atol sa pakighinabi sa RMN Davao.
Kahinumduman nga gidakop pinasikad sa warrant of arrest sa kasong rape ang suspek nga si Donjel Cubero, 32 anyos.
Nigula ang warrant niadtong Pebrero 27, 2019 batok sa suspek nga giisyu ni Regional Trial Court Branch 16 Hon. Judge Emmanuel Carpio.
Si Cubero maoy gitudlong suspek sa pagpanlugos niadtong 2018 sa iyahang estudyante sa gi-partime-an niining college institution dinhi sa syudad.
Matud sa report usa kini ka full-time nga magtutudlo sa Davao City National High School.
Nanawagan karon si Violan ngadto sa mga biktima sa mga rape incidents nga dili mahadlok nga ireport kini sa kapulisan pinaagi Women and Children Protection Desk.
“I-treat namo ni siya with outmost confidentiality kay ang uban mahadlok ug maulaw dili ta mahadlok kay dili aron matagaan nato sila og hustisya. Dangop mo sa amoa,” matud ni Violan.
RadyoMaN Aimee Guinita
