Tapaz, Capiz – Patay ang 60-anyos nga tiyo matapos ginlabo sang iya mismo gumangkon 11:00 kahapon sang aga sa Sitio Agmalasugi, Brgy., Artuz, Tapaz, Capiz bangud sa indi pag-itindihanay.
Nag-angkun sang kapilasan sa iya ulo, nawala nga kamot kag likod ang biktima nga ginkilala kay *MARCELINO VILLANUEVA Y MAGALLANES*, tumandok sang nasambit nga lugar. Bangud sa mga kapilasan sa lawas kag ulo, ginbawian sang kabuhi ang nasambit nga biktima.
Base sa imbestigasyon Tapaz PNP, magka-upod nga naga-inum ang biktima kag ang suspek nga gumangkon sini nga nakilala kay *JOEY GENODIA Y VILLANUEVA*, 30-anyos sang nagluntad ang indi paghangpanay sa tunga nila rasun nga naggabot sang talibong ang suspk kag ginlabo ang tiyo.
Madasig naman nga nadakpan sang mga kapulisan ang suspek lakip na ang talibong nga nagahaba sang 25 pulgadas.
