Tiyo nga hubog binuno sang hinablos

LA CASTELLANA – Isa ka hubog nga tiyo ang ginbuno sang iya hinablos bangud gid lamang sunulod sini ang balay kag naguba pa ang pwertahan.

Nakilala ang biktima nga si Joven Cervantes, 54 anyos, residente sang Roxas Extension, Barangay Robles, La Castellana.

Suno sa La Castellana PNP nga may mga las 11:30 kagab-i, hubog ang suspek kag iya ginguba ang pwertahan nga himo sa plywood nga balay sang iya utod nga si Janet.


Sa isa ka kwarto, atu didto ang iya hinablos nga si Johnnylen kag girlfriend, kag nairita rason nga binuno ang biktima gamit ang kutsilyo sa paha nga nagalaba sang anum ka pulgada.

Nag-angkon sang 2 ka igo sa iya dughan kag kamot ang biktima kon diin padayon ini karon nga ginabulong sa Corazon Locsin Montelibano Memorial Regional Hospital.

Facebook Comments