ESTUDYANTE NGA PINOY PATAY MATAPOS NALUMOS SA AUSTRALIA

Report ni: Jennifer Palomo Debaja

Ginkumpirmar sang Department of Foreign Affairs subong nga adlaw sang Huwebes nga isa ka 24 anyos nga Filipino student ang nalumos sa Flinders Beach, North Stradbroke Island sa Queensland, Australia sang Lunes.

Sa statement nga ginrelease sang DFA, nahibaluan nga estudyante sang Queensford College sa Brisbane ang biktima.


Nagapakig angut na ang Office of Migrant Workers Affairs sa pamilya sang biktima para sa repatriation sang bangkay sini.

Sa datus sang DFA, panglima na ini nga kaso sang pagkalumos halin Enero subong nga tuig nga involve ang Pinoy sa abroad.

Sa madumduman, 2 ka separado nga insidente sang pagkalumos ang natabu sa New Zealand, kadungan sini, nalumos man ang mag asawa sa Maldives samtang naga honeymoon.

Facebook Comments