TMC staff gipusil-patay

481

Davao City – Dead on the spot ang usa ka dalaga human kini gipusil-patay sa New Satellite Bus Terminal sa Digos City, Davao del Sur alas-12 sa udto, November 13, 2019.

Sa interbyu sa DXDC RMN Davao kang Patrolwoman Sheila Mae Soriano sa Digos PNP, giila niini ang biktima nga si Angelica Lazaga, 23-anyos, Traffic Management Center (TMC) staff ug residente sa Sulop, Davao del Sur.


Saysay ni Soriano nga samtang naniudto ang biktima sa usa ka karenderya sa lugar sa dihang kalit na lamang mibutho ang usa ka wala mailhing suspek sakay sa motorsiklo ug gipusil sa makaduhang higayon ang biktima.

Igo sa li-og ug sa dughan ang biktima hinungdan sa iyang hinanaling kamatayon.

Padayon karong ang gihimong imbestigasyon sa kapulisan aron masuta kung unsa ang motibo sa nahisgutang krimen.

RadyoMaN Kirby Manzon

Facebook Comments

From Advertisers