General Santos City–Ginahuwat pa sa traffic management unit ang pamilya sa mga biktimang nakabsan ug kinabuhi atol sa natigayong disgrasya sa kadalanan sa may Barangay Apopong niadtong Byernes sa hapon aron sayron kung mupasang-at ba ug kaso batok sa driver sa van nga nakabangga sa topdown nga gisakyan sa mga biktima.
Sumala ni Po3 Reynald Pastolero, Traffic Investigator sa TMU nga una nang nagsaad ang nanag-iya sa van nga iyang tubagon ang galastuhan sa pagpahiluna sa mga namatay nga silang si Josepina Requintosa, 65, Leni Rose Sobreo, 30 anyos, usa ka mabdos, Anelyn Rose Sobreo, 2 anyos ug Antonio Sobreo, 43 anyos , nga pulos residenti sa Polomolok.
Apil usab nga tubagon niini ang balayranan sa ospital sa angol nga si Marry Joy Sobreo. Nasayran nga sa kasamtangan wala pay pormal nga kasabutan ang pamilya sa biktima ug sa nanag-iya sa van bahin sa areglo sa maong kaso.
Sa kasamtangan padayon ang koordinasyon sa TMU ngadto sa pamilya sa mga biktima ingon man sa nanag-iya sa van.
